బిగ్ బ్రేకింగ్.. అమ్మమ్మ కాబోతోన్నటాప్ హీరోయిన్

అప్పుడెప్పుడో 90ల్లో వచ్చిన ‘బంగారు బుల్లోడు’ సినిమాలో బాలయ్య బాబుతో ‘స్వాతిలో ముత్యమంత’ అంటూ స్టెప్పులేసిన బాలీవుడ్ హీరోయిన్ రవీనా టాండన్ గుర్తుందా..? అప్పట్లో ఈమె కుర్రకారు గుండెల్ని కొల్లగొట్టిన అందాల నటి. ఈ సీనియర్ హీరోయిన్ ఇప్పుడు అమ్మమ్మ కాబోతోంది. 44 ఏళ్లకే తన మనవరాలినో లేదంటే మనవడినో ఎత్తుకోబోతోంది. రవీనా టాండన్ కూతురు ఛాయ త్వరలోనే ఓ బిడ్డకు జన్మనివ్వబోతోంది.ఛాయను రవీనా టాండన్ దత్తత తీసుకుంది. యంగ్ హీరోయిన్‌గా వెలుగొందుతోన్న సమయంలో తనకు 20 ఏళ్ల వయసప్పుడు రవీనా ఇద్దరు అమ్మాయిలను దత్తత తీసుకుంది. వాళ్లు పేర్లు ఛాయ, పూజ. ఇప్పుడు ఛాయ నిండు గర్భిణి.

త్వరలోనే ఆమె పండంటి బిడ్డకు జన్మనివ్వనుంది. రవీనా టాండన్ ఇప్పటికే తన కూతురిపై బేబీ షవర్‌ను కురిపిస్తోంది. తన ఇద్దరు కూతుళ్లతో రవీనా టాండన్ ఆనందంగా గడిపిన క్షణాలకు సంబంధించిన ఫొటోలు ప్రస్తుతం వైరల్‌గా మారాయి.రవీనా రెండో కూతురు పూజా న్యూట్రిషనిస్ట్‌గా పనిచేస్తోంది. ఈమె తన ఇన్‌స్టాగ్రామ్‌ అకౌంట్‌లో ఈ ఫొటోలు పోస్ట్ చేసింది. దత్త పుత్రికలపై తన తల్లి కురిపించే అమూల్యమైన ప్రేమను ఈ పోస్టులో పూజ వర్ణించింది. రవీనా త్వరలో ‘నాని’ కాబోతోందని చెప్పింది. దత్తత తీసుకున్న కుమార్తె తల్లికాబోతోందని తెలిసి నిస్వార్థమైన ప్రేమను కురిపిస్తోన్న రవీనాను చూసి తాను ఎంతో గర్వంగా ఫీలవుతున్నానని పేర్కొంది.రవీనా టాండన్ తొలి తెలుగు సినిమా ‘రథసారధి’. అక్కినేని నాగేశ్వరరావు సినిమాతో టాలీవుడ్‌కు పరిచయమైన ఈ బాలీవుడ్ బ్యూటీ.. ‘బంగారు బుల్లోడు’ చిత్రంతో తెలుగు ప్రేక్షకులకు గుర్తిండిపోయింది. ఈమె తెలుగులో చేసిన సినిమాలు నాలుగు అయినా తెలుగు రాష్ట్రాల ఆడియన్స్‌కు మాత్రం సుపరిచితమే.

బాలీవుడ్‌లో దాదాపు స్టార్ హీరోలందరితోనూ నటించేసిన ఈ సీనియర్ హీరోయిన్.. తెలుగులో ఆఖరికిగా మోహన్‌బాబు ‘పాండవులు పాండవులు తుమ్మెద’లో కనిపించింది. ప్రస్తుతం ‘కేజీఎఫ్ ఛాప్టర్ 2’లో కీలక పాత్రలో నటిస్తోంది. కాగా, రవీనా 2004లో వ్యాపారవేత్త అనిల్ తడానీని పెళ్లి చేసుకున్నారు. వీరికి కుమార్తె రషా, కుమారుడు రణ్‌బీర్ వర్థన్ సంతానం.