బిగ్ బ్రేకింగ్ యాంకర్ రవి కారు యాక్సిండేంట్….

ఇటీవల సెలబ్రిటీలు వరుసగా ప్రమాదాలకు గురవుతున్నారు. రాజశేఖర్‌కు జరిగిన ప్రమాద ఘటన మరువకు ముందే టాలీవుడ్‌ యాంకర్ రవి కారుకు ప్రమాదం జరిగింది. ఈ ప్రమాదంలో యాంకర్‌ రవికి ఎలాంటి గాయలు జరగకపోయినా కారు మాత్రం డామేజ్‌ అయ్యింది.యాంకర్‌ రవి శనివారం ఉదయం హైదరాబాద్‌ మూసాపేట నుంచి బంజార్‌ హిల్స్‌ వైపు వస్తుండగా ఈ ప్రమాదం జరిగింది. లక్ష్మీ కళా, శశికళా థియేటర్స్‌ ఎదురుగా భరత్‌ నగర్‌ ఫ్లై ఓవర్‌ ఎక్కుతుండగా ఓ డీసీఎం వ్యాన్‌, రవి కారును ఢీ కొట్టింది. ఆ సమయంలో కారులో రవితో పాటు డ్రైవర్‌ కూడా ఉన్నాడు. ఆ సమయంలో రవి, డ్రైవర్‌ను ప్రశ్నించే ప్రయత్నం చేయగా అతను బాగా తాగి ఉన్నడని తెలిపాడు రవి.

ప్రమాదానికి కారణమైన డీసీఎం డ్రైవర్‌తో పాటు క్లీనర్‌ను పట్టుకున్న రవి వారిని ప్రశ్నించే ప్రయత్నం చేశాడు. వారు తాగి బండి నడుపుతున్నట్టుగా అంగీకరించారని రవి వెల్లడించాడు. అయితే ఈ లోగా రవి పోలీసులకు ఫోన్‌ చేశాడు. పోలీసులు వచ్చే లోపు ఆ డ్రైవర్‌, క్లీనర్‌ డీసీఎంను అక్కడే వదిలేసి పారిపోయారు. ఈ విషయంపై తన యూట్యూబ్‌ చానల్‌లో క్లారిటీ ఇచ్చాడు రవి.అంత తాగిన వ్యక్తి బండి నడిపితే ప్రమాదాలు జరిగే అవకాశం ఉందని ఆవేదన వ్యక్తం చేసిన రవి, డీసీఎం డ్రైవర్‌పై సనత్‌నగర్‌ పోలీస్‌ స్టేషన్‌లో కంప్లయింట్ ఇచ్చాడు. డ్రంక్‌ అండ్‌ డ్రైవ్‌ కింద వారి మీద కేసు రిజిస్టర్‌ చేసినట్టుగా తెలిపాడు రవి. అయితే ట్రాన్స్‌పోర్ట్ ఓనర్‌ తనను సంప్రదించాడని.. తాను జరిగిన నష్టాన్ని భరిస్తానన్నాడని రవి తెలిపాడు. కానీ ఇలాంటి ప్రమాదాలను అరికట్టాలని.. అందుకే డ్రైవర్‌తో పాటు ట్రాన్స్‌ఫోర్ట్ కంపెనీ, ఓనర్‌ల మీద కూడా కేసు వేసినట్టుగా రవి వెల్లడించాడు.

ఈ సందర్భంగా పోలీస్‌ డిపార్టెమెంట్‌కు కృతజ్ఞతలు తెలియజేశాడు యాంకర్‌ రవి. సకాలంలో స్పందించటంతో పాటు కేసు నమోదు విషయంలో వాళ్లు వ్యవహరించిన తీరుపై ఆయన సంతృప్తి వ్యక్తం చేశాడు. అయితే ప్రమాదం.. తాను కారులో ప్రయాణిస్తుండగా జరిగింది కాబట్టి ప్రాణ నష్టం జరగలేదు. అదే డీసీఎం ఓ టూవీలర్‌ను ఢీ కొట్టినట్టయితే ప్రాణాలే పోయేవి అంటూ ఆవేదన వ్యక్తం చేశాడు. పోలీస్‌ డిపార్ట్‌మెంట్‌ తనిఖీలు మరింత ఎక్కువగా నిర్వహించాలని కోరాడు.